الأربعاء، 19 فبراير، 2014

صناعة القرار

صناعة القرار
تحرير : سعيد منيسى

قبل ما اتكلم فى شرح عمليه صناعة القرار لازم نعرف الاول هو ليه سمينا المقال صناعة القرار وليس اتخاذ القرار !
كل الناس بتتخذ قرارات طول الوقت لكن هل القرارات دى بتبقى صحيحية ؟ طيب هل القرارات دى انت بتصنعها بنفسك ولا بتتخذها على راى اهلك او اصدقائك او اى شخص يقولك رايه او مشورته ؟
طبعا كلنا بنيجى فى اوقات وبنمر بالمرحلة دى من اول قرارك انك تدخل الكلية اللى انت عاوزها ولا الكلية اللى اهلك عاوزنها !
او قرارك انتى لما تختارى عريس فيه المواصفات اللى بتحلمى بيها ولا المواصفات اللى اهلك واصدقائك بيحلموا بيها !

طيب هو احنا ليه مش بنقدر نتخذ قرارت كتير فى حياتنا وليه ساعات بنتخذ قرارات مع اننا كنا عمرنا ما نتخيل اننا نعمل حاجة زى دى فى يوم من الايام ؟
كل الاسئلة دى هنجاوب عليها من خلال مهارة صناعة القرار
بس لازم الاول نعرف هى ايه المعوقات اللى بتقابلنا لما نفكر فى صناعة القرار :
ــ اول عائق هو عدم صدق الرغبة فى اتخاذ القرار بمعنى انك مش مقتنع اصلا بالقرار اللى انت هتتخذه ده 
انت عاوز تصلى ولا لا ؟؟ انت عاوز تحقق حلمك ولا لا ؟؟ انتى عاوزة تتحجبى ولا لا ؟عندما خرج رسول الله من مكة للمدينة خرج اليهود لكى يروا رسول الله فمنهم الصادقين اللى كانوا عاوزين يشوفوا علامات النبوة ولو اتحققت فعلا هيأمنوا بيه ومنهم اللى مش صادقين 
فان كنت صادق فى اتخاذ القرار خد اول خطوة واتحرك " فاذا عزمت فتوكل على الله "

ــ  ثانى عائق هو الحيرة ولها سببان :
-  التحليل الزائد : التحليل هام جدا لكن لو اخد وقت اكتر من اللازم يكون ضار جدا فمن علامات صناعة القرار الصحيح ان يكون فى الوقت المناسب 
فاذا تقدمت لوظيفه ووجدتها مناسبة لا داعى للتحليل الذائد واذا وجدتى الصفات التى تريديها فى العريس المتقدم فوافقى ولا داعى للتحليل الذائد الذى يأخذ منك وقت اكثر حتى تخسر كل شئ ! 
وتذكر دائما ان القائد العظيم هو ذلك الشجاع الذى يتخذ القرار عندما يكون الجميع مترددا

-        ــ الخوف الزائد : لا تخف فالله دائما بجانبك وان اردت الاستعانة بالله عند صناع قرارك فعليك بالاستخارة وان اخطأت تعلمت الكثير من الخبرات التى تفيدك فى صنع قرارك القادم فالقرار الخاطئ هو خطوة فى طريق التعلم وكم من انسان اصبح حكيما من كثر اخطائه وتجاربه فان اسوء قرار ممكن ان تتخذه فى حياتك ان لا تتخذ قرارا وتعود نفسك على اتباع الاخرين بدون تفكير
وناتى الان لعملية صناعة القرار ويقول د/ احمد الاعور ان هناك 4 مراحل يمر بهم قرارك ويسميها اللجنة الرباعية :
1-   العقيدة : هل دينك ومعتقداتك تسمح لك باتخاذ القرار ام لا 
للشخص الذى يريد ان يدخن عندما تريد ان تتخذ قرار ستجد ان عقيدتك لا تسمح لك بهذا فلا تتخذه وابتعد عنه فورا اذا كنت صادق فعلا فى اتخاذ قرارك

2-   القيم : هل ما تريده يناسب اخلاقك وقيمك ومبادئك ام لا ؟
وهنا القيمة اقل درجة من العقيدة لكنها تتاثر بها جدا فنجد اشخاص لا يلجأون الى اول مرحلة وهى العقيده لكن عندما يستشيروا مبادئهم واخلاقهم يكتشفوا ان قرارهم ممكن ان يكون خاطئ
3-   الواقع : هل يمكن تنفيذ قرارك على ارض الواقع 
وهنا هام جدا ان لا تدع قرارك يمر من المراحل السابقة الا وانت متاكد انهم لم يعارضوه فالشخص الذى يريد ان يدخن اذا لجأ الى الواقع سيتخذ القرار فورا لانه سيجد كثر من الناس يدخنون والشاب الذى يريد ان يكلم فتاه سيتخذ القرار ايضا لان الواقع الذى يعيش فيه يوافق على هذا

4-   المشاعر : هل انت مرتاح لهذا القرار ام لا و ما هى مشاعرك تجاه القرار ؟
 وقد تنخدع احيانا فى هذه المرحله اذا كنت شخص مشاعرك تتغير بسرعة لذلك لا تجعل قرارك قائما فقط على المشاعر ولكنها هامه ايضا فاحيانا تجد فتاه عريسا ملتزم دينيا ومبدئه متوافقه مع مبادئها والواقع بالطبع موافق لانه زواج لكن لا يوجد قبول فلا تتخذ القرار

جميع المراحل السابقة يمكن تغيريها من وقت لاخر لكنها ستكون عمليه صعبه جدااا وخصوصا مع العقيدة والقيم
فعندما تتخذ قرار يجب ان يمر باللجنة الرباعية وان عارضته احد هذه المراحل فلا تلجأ للمرحلة التى تليها لانها ممكن ان توافق عليها وعندها سيكون قرارك خاطئ
-        وتذكر قول د/ ابراهيم الفقى رحمه الله كلنا لدينا قرارات مشتركة, و هى أن نكون سعداء فى حياتنا, ناجحين فى عملنا,لكننا نجد أنفسنا لم نفعل أيا مما قررناه, و هذه القرارات تسمى قرارات ضعيفة,أما القرارات القوية فهى التى يستطيع صاحبها أن ينفذها.

السبت، 15 فبراير، 2014

حظك اليوم


تحرير : سعيد منيسى

هل انت من الاشخاص الذين يؤمنوا بالابراج وحظك اليوم ؟
عمرك قبل كده قريت حظك اليوم وفعلا اتحقق معاك ؟
هل فعلا عالم الابراج ده بيعرف الغيب ؟
ايه علاقة الابراج بقوانين العقل ؟

وفقا لقوانين العقل ان اى فكرة بتشغل تفكيرك وانت بتقتنع بيها وبتسعى علشانها بتتحقق بمعنى انا انت لو كل يوم الصبح بتتخيل ان يومك هيبقى ايجابى وكله سعادة فعلا يومك بيمشى زى انت ما توقعت لانك ببساطة عقلك بيركز على كل الافكار الايجابية اللى فى يومك واى سبب يخليك سعيد وبيبعد عنك اى فكرة سلبية والفكرة دى كمان بيدور عليه قانون الجذب
نفس الافكار بتبقى موجودة فى حظك اليوم بمعنى ان الانسان اللى بيؤمن بالحظ والابراج بيبدء يقرأ حظك اليوم ومثلا يلاقى جملة مكتوب فيها ( انت اليوم ستسمع اخبار جديدة تجعلك تستمتع بحياتك بشكل افضل ) فيبدء الانسان يستعد انه هيحصله كده وممكن لو جه حد يقوله انا عندى خبر وحش يقوله لا مش عاوز اسمعه انهاردة ، واى خبر حلو يسمعه يقول ان حياته هتتحول للافضل ويبدء يخلى حياته ممتعة ويقول فعلا من غير الابراج دى مكنتش عرفت ان فى حاجة زى كده هتحصل ولا هستمتع بحياتى
مع ان انت اللى عملت ده كله انت اللى بدأت تركز على الاخبار الكويسة وانت اللى بدأت تحس بحياتك وتستمتع بيها وانت اللى بدأت تنظم حياتك بنفسك من غير اى شريك
نقطة تانية ان لما تيجى تقرأ صفات البرج بتاعك  اللى هى بيبقى عددها كبير واكيد فى صفات منها فى شخصيتك وفى صفات مش هتلاقيها فى شخصيتك فبيبدء يحصل حاجتين يا اما تؤمن ان كل الصفات دى موجودة فى شخصيتك فعلا وحتى الصفات اللى ماكانتش موجودة زى انك شخص بتتعصب لما تسمع صوت عالى وتبدء تتصرف على الاساس ده وتطبق كل الصفات عليك ، او انك تقول فى صفات فعلا فى شخصيتى وفى صفات مش موجودة ومش هتبقى موجودة ومش بتشغل تفكيرك بيها

 لا يعلم الغيب الا الله فقد قال رسول الله صلى الله عليه وسلم " كذب المنجمون ولو صدقوا "
وقالى سيدنا علي رضي الله عنه " إياكم وتعلم النجوم، إلا يُهتدى به في برِّ أو بحرٍ، فإنها تدعو إلى الكهانة. والمنجِّم كالكاهن والكاهن كالساحر، والساحر كالكافر والكافر في النار، سيروا على اسم الله "
يعتمد المنجمون على ثقة الناس بهم وايمانهم بما يقولون فلا تدع مثل هؤلاء يتحكمون فى حياتك فالكنز بداخلك انت وهو عقلك وانت وحدك الذى تسطيع التحكم فى حياتك فاجعلها من الان ايجابيه تخضع لارادتك انت واحرص على توجيه عقلك  للأهداف الخيرة والإيجابية

العملية الابداعية فى الاسلام

العملية الابداعية فى الاسلام
تحرير: سعيد منيسى

فى هذه الاوقات انتشر قانون الجذب او كتاب السر بشكل كبير جدا بعد ان قامت روندا بايرن باكتشاف السر الذى سيغير حياة البشر الى الافضل
ومن الاشياء الاساسية فى قانون الجذب هى :

العملية الابداعية : عملية مكونة من 3 خطوات ان فعلتهم بالترتيب ستحقق ما تريد!
الخطوة الاولى هى اطلب : وجه طلبك للكون وده الكون يعرف ما تريده ولسوف يستجيب الكون لافكارك !

الخطوة الثانية هى امن : امن بان الامر سيتحقق وان ما تريده اصبح ملكك منذ لحظة طلبك له كل ما عليك هو الايمان بان الكون سوف يحقق لك ما تريد !

الخطوة الثالثة هى تلق : والخطوة الاخيرة هى ان تتلقى ما تريده وتشعر بالاحساس الذى ستحظى به عندما تصل الى مقصدك وان امكن قم بزيارة اماكن حلمك حتى يتحقق سريعا !

بهذه العملية الابداعية قام كل عظماء التاريخ والفنانين والمبدعين والناجحين بتحقيق احلامهم
اذا هذه العملية الابداعية وقانون الجذب شئ راائع وهام جدا للانسان معرفته والاطلاع عليه وتطبيقه حتى يحقق احلامه
لكن لماذا لا توجد فى الاسلام ؟
لماذا لا توجد فى القران ؟

الحقيقة انها فعلا موجودة فى القران الكريم
فيقول الله تعالى " وَإِذَا سَأَلَكَ عِبَادِي عَنِّي فَإِنِّي قَرِيبٌ أُجِيبُ دَعْوَةَ الدَّاعِ إِذَا دَعَانِ فَلْيَسْتَجِيبُواْ لِي وَلْيُؤْمِنُواْ بِي لَعَلَّهُمْ يَرْشُدُونَ "

ان قمنا بتنظيمها فى خطوات مثل العملية الابداعية ستكون :
اجيب : وتاتى هنا مكان الخطوة رقم 3 وهى تلق :
بمعنى ان الله سوف يحقق لك ما تريد وهنا كلمة اجيب معناها افضل بكثييير من تلقى لانها توضح اسم الله تعالى وهو المجيب الذى يقابل مسألة السائلين بالاجابة والعطاء والذى يقذف فى قلوب السائلين والسنتهم ان يلجئوا اليه بالدعاء فيستجيب لهم
اذا دعان : وتاتى هنا مكان الخطوة رقم 1 وهى اطلب :
ادعوا الله بما تريده مهما كان
فليستجيبوا لى وليؤمنوا بى : وهنا تاتى مكان الخطوة رقم 2 وهى امن :
ادعوا الله وانت مؤمن بان الله سوف يحقق لك ما تريده
لكن هناك اختلاف فى الترتيب فأى من الاثنين افضل ؟
ان اتى لك صديقان
وقال لك صديقك الاول اطلب منى وانا هاحققلك اللى انت عاوزه
وقال لك الثانى ساحقق لك ما تريد فاطلب منى ما تشاء

ايهما افضل الذى يشترط طلبك الاول وبعد ذلك يحققه لك
ام الذى يقول لك ساحققه لك قبل ان يعرف ما هو طلبك ؟
بالطبع ترتيب القران الكريم افضل بكثير
والنقطة الثانية هى ان فى كتاب السر انت تطلب من الكون
وفى الاسلام انت تطلب من الله
فهل ستوجه دعوتك الى الكون ام الى رب الكون ؟
فعلا لقد قامت روندا بايرن باكتشاف عظيم سوف يغير حياة البشر الى الافضل !!!
انا لا اقول ان روندا بايرن قامت بسرقة الاكتشاف من القران وقامت بتحريفه
لكن هذا الاكتشاف موجود فى القران والاسلام لكن من يتدبر ومن يبحث ؟

قبل ان تقوم بتطبيق قانون الجذب ابحث فى قوانين الاسلام والقران وسنة رسول الله وطبقها ولن تفشل فى تحقيق احلامك باذن الله .

"دردشة سعودية"

اسرار النجاح

تحرير : سعيد منيسى

النجاح كلمة حققها الكثير ويبحث عنها ويتمناها الكثير ، كل انسان بيحب يبقى ناجح في حياته مهما كان مجاله وطبيعى جدا ان النجاح يرفع من حالتنا النفسية ولما نفشل يخفض من معنويتنا . لكن لما النجاح والفشل يحدد قيمتى كانسان هنا تكمن المشكلة وهذا ما سنوضحه في هذا المقال باذن الله
قبل ما تتسرع وتحكم على نفسك إذا كنت انسان ناجح أو فاشل لازم تعرف الاول طرق لتقييم نجاحك ومبادئ تضعها في حياتك عن النجاح إذا استعملتها سترى نفسك ناجح في كل الاوقات ومن اهمها 

اولا : النجاح طريق طويل :-
النجاح لا يقاس بالمكان اللى أنت وصلت ليه لكن بيقاس بانت كنت فين قبل ما توصل للمكان دى فمثلا لو امبارح أنت كانت درجتك 2 وانهاردة وصلت 5 درجات فانت كده حققت ناجح رائع جدا لكن المشكلة ان احنا بنقارن نفسنا باشخاص اخرين ، لو شخص تانى جاب 6 درجات انا بقول ان هو انجح منى مع ان هو ممكن يكون جاب 6 دى بعد ما كان مستواه 5 يعنى زاد درجة واحدة بس في الوقت اللى انا بقيت زايد فيه 3 درجات ! ، مش مهم لما تتاخر خطوة لورا المهم انك ما ترجعش الطريق كله وحتى لو رجعت الطريق كله المهم ان أنت لسة واقف على رجليك وتقدر تبدء من تانى وتحقق نجاحات أنت نفسك لم تكن تتخيلها وتذكر ان طريق الالف ميل يبدأ من تحت موضع قدميك .

ثانيا : ما اخذ منك الله الا ليعطيك :-
في اوقات كتير يكون عندنا حاجة غالية عندنا ونفتكر ان هي دى افضل حاجة في الكون وفجأة ربنا ياخدها منك وتفتكر ان هي دى نهاية الطريق أو تكون نفسك تنجح في حاجة معينة وتتمناها بقوة لكن في الاخر متتحققش وتفقد الامل في انك تنجح تانى لكن بعد كده ممكن تلاقى ربنا بيعوضك بنجاحات اكبر منها بكتير اوى وانجازات أنت نفسك متتخيلهاش فقط ثق بالله واشكره على كل نعمه

ثالثا : من وجد الله فماذا فقد ومن فقد الله فماذا وجد :-
النجاح اللى بعيد عن رضا ربنا او بيبقى نجاح حرام او نجاح بالغش بيبقى ليه لذة مؤقتة ولحظية وبتروح بعد ما الناس تكتشف انك انسان فاشل مش ناجح وبتروح صورة النجاح من نظرك أنت كمان بعد ما ضميرك يصحى ويقولك لا مش هو ده النجاح اللى أنت كنت بتتمناه ، خلى ضميرك حكم عليك في كل نجاح أنت بتتمناه وبتحلم بيه عشان لما تحققه تفرح بيه بجد لانه تحت رضا الله واللى مع الله عمره ما بيروح بالعكس ده بيذيد !

رابعا : معرفة النفس نجاح :-
كل انسان فينا عنده موهبه ولو ركز عليها هيبقى متميز فيها وانسان ناجح جدا لكن للاسف معظمنا بيبص على موهبة غيره وبيحب يقلده فيها وفى الاخر يفشل في الحاجتين لانه مش هيبقى زى الشخص اللى عنده موهبه تانية وكمان مطورش من موهبته هو فهيلاقى نفسه في الاخر انسان فاشل ، اعرف ايه هي موهبتك والميزة اللى بتميزك عن كل الناس اللى حواليك شوف ايه هي الخامة اللى معاك واللى ربنا وهبهالك وساعتها هتشوف في كل خطوة أنت بتعملها نجاح جديد !

بالخطوات والمبادئ السهلة دى ممكن كلنا نشوف نفسنا ناجحين ، عاوزين بس نبص لنفسنا بطريقة اكثر ايجابية وثقة في الله والنفس اكتر وساعتها كل اللى بنحلم بيه وبنشوف انه مستحيل هيتحقق وهنكون ناجحين


ان شاء الله هيكون لنا مقالات اخرى عن اسرار النجاح
 تابعونا 



وصفة السعادة

وصفة السعادة


تحرير / سعيد منيسى


كل انسان على وجه الارض يبحث عن السعادة قد يختلف الناس في مذاهبهم أو مبادئهم وغاياتهم الا غاية واحدة يتفقون عليها جميعا انها طلب السعادة 
ولكن إذا سألنا اغلب الناس هل أنت حقا سعداء ؟
 لقالوا لا نحن لا نشعر بالسعادة التي نتمناها
ولكنهم لا يعرفون ان السعادة تكمن بداخلهم كما قال الشاعر ايليا ابو ماضى "كن جميلا ترى الوجود جميلا " ، بمعنى ان كل منا يستطيع ان يرى السعادة بداخله فإما ان تكون نظرتك كنظرة الذبابة التي تبحث عن كل ما هو قبيح وتستقر حوله أو ان تكون نظرتك كالنحلة تبحث عن الرحيق والورود وعن الروعة والجمال لكى تشعر بالسعادة  في كل وقت
واليك عدة مبادئ إذا اتخذتها في حياتك ستنعم بالسعادة طوال الوقت :-

اولا : قدر قيمة ما تملك :- كلنا نملك اشياء في حياتنا اما اصدقاء أو علم أو قيم نمتلكها إذا عرفت قيمتها جيدا ستشعر بالسعادة وليس المهم كم تملك من مال أو سلطة فكم من اصحاب النفوذ والمال لا يشعرون بالسعادة مطلقا لانهم لا يعرفون قيمة ما يملكون

ثانيا : استمتع بما تملك :- هناك اشياء نشترك في امتلاكها جميعا مثلا العقل أو الصحة لكن لماذا لا نستمتع بهم ؟ نحن تعودنا ان تلك اشياء تقليدية غير هامة في حياتنا لكن زيارة واحدة منك إلى المستشفى وتدرك كم البشر الذين لا يستمتعون بهذه النعم

ثالثا : ما لا املكه لا قيمة له عندى حتى اتملكه :-
مبدأ هام جدا نفتقده في حياتنا فلا داعى ان نربط السعادة بأشياء لا نملكها لانها ستتحول فورا لمصدر تعاسة بدلا من ان تكون مصدر للسعادة ولا تقل عندما احصل على هذه الوظيفة سأكون سعيدا أو عندما احصل على هذا الموبايل سأكون سعيدا ، استمتع بكل اوقات حياتك فأنت لا تدرى ان كنت ستحصل على هذا الشئ فعلا ام لا

نحن فى هذا المقال تحدثنا عن السعادة التي تتوقف على انفسنا وتوصلنا إلى الخلاصة ان وصفة السعادة بسيطة جدا ، كثيرا من الناس يحسبون ان السعادة مستحيلة وكثيرون من الناس التعساء يعتقدون ان احزانهم مصدرها معقد !
دعك من كل هذه المعتقدات القديمة فاليوم بداية حياة سعيدة

الجمعة، 14 فبراير، 2014

كلمة بمناسبة افتتاح مدونة التنمية البشرية



كلمة بمناسبة افتتاح مدونة التنمية البشرية

نرحب بجميع الزوار والأصدقاء الأعزاء ، ويسعدنا تواجدكم بيننا

على أمل أن نستفيد ونرتقي من خلال مجموعة من المهارات الإبداعية
في مجال التنمية البشرية والتطوير الذاتي

فمدونة التنمية البشرية مستمرة بتواجدكم وجهودكم
وستستمر بالعطاء طالما يوجد محبين لها

وفي انتظار تفاعلكم ، نقول لكم مرحبا بكم 
في أحضان مدونتكم

نسأل الله التوفيق والنجاح